A final de 2021

E OS CINCO FINALISTAS

A final será o domingo 21 de novembro no Teatro Colón ás 19.30 horas.
A entrada é libre até completar capacidade.
Retransmitirémola en directo en streaming no canal de Youtube
de Cultura da Deputación da Coruña.

Presentada pola xornalista
Neves Rodríguez

Ademais das bandas finalistas
actuará Grande Amore

Debuxa en directo o artista visual
Xavier Belho

Na gala final participan os seguintes finalistas:

https://www.premionarf.gal/wp-content/uploads/2021/09/Elba-95x120-1.jpg

Elba

Comeza na música xa na infancia, formando parte do coro infantil do Orfeón Terra a Nosa e posteriormente no coro de voces brancas da orquestra sinfónica do CMUS de Santiago. Con 18 anos funda Ivy Moon e participa en diversos festivais. No seu proxecto actual mestura diferentes estilos como synth pop, new wave ou post-punk con elementos tan clásicos como o canto lírico, e mesmo reinterpreta nos seus concertos en vivo obras puramente líricas con instrumentos cargados de sintetizadores.

Peña

Veñen de publicar Carreiro, o seu primeiro longa duración, logo do EP Fórmula. A banda formada por Toño Magariños (diola, Unicornibot), Rubén Abad (Cró!, Trilitrate) e Elena Vázquez (Trilitrate) foi quen de fiar un corpo de cancións exquisito, que casa sinxeleza con idiosincrasia e valentía formal.

.

https://www.premionarf.gal/wp-content/uploads/2021/09/Penha-95x120-1.jpg
https://www.premionarf.gal/wp-content/uploads/2021/09/Secho-95x120-1.jpg

Secho

Escribía cancións cancións para si ata que en 2009 a banda Medomedá o convida a abrir un dos seus concertos. Nese verán rexistra o seu primeiro EP, que sae co nome de Secho y los Invisibles. En 2016 publica Xa fai un tempo e este ano regresa con Recuperar, o seu 3º traballo gravado con Iago Pico e con músicos como Dani Riveiro, Lois Carlín e Tomás Porteiro e outras colaboracións. Cancións que van do folk americano ao pop intimista adubiado polas montañas do Barbanza.

Sleepy Spice

Artista de música urbana en galego e castelán que compón, grava e mestura os seus temas nun móbil. O que comezou como un proxecto de autoaprendizaxe de produción musical e beatmaking foise convertendo pouco a pouco nun proxecto musical e artístico sólido, con varios singles publicados, como Yo me dejo (2020) e Outro lado (2020).

https://www.premionarf.gal/wp-content/uploads/2021/09/Sleepy95x120.jpg
https://www.premionarf.gal/wp-content/uploads/2021/11/Tandub2.jpg

TanDub

Fusionan música tradicional Gnawa (norte de Marrocos, Tánxer) con outros xéneros como o reggae, o drum&bass e a electrónica nun potente directo. Acadan un son vibrante, intenso e sólido empregando instrumentos clásicos nas bandas de fusión (guitarra, baixo ou percusión) coas novas tecnoloxías (electrónica), co hajhouh e as karkabas (instrumento tradicional marroquino). Os seus compoñentes proceden de bandas como Lamatumbá, Dar Gnawa, Tabú ou Kondiós.

Comparte