A final tivo lugar o sábado 28 de outubro no Salón Teatro de Santiago de Compostela ás 20.30 horas.
Presentada pola xornalista
Luis Pardo
Ademais das bandas finalistas
actuou Fillas de Casandra
Debuxa en directo o artista visual
Xavier Belho
Na gala final participaron os seguintes finalistas:
Lucía Aldao
Emoción e sorna, revisión e identidade, amizade e crítica son o fío condutor do segundo EP que publica unha cantautora da que o xurado destacou “a súa personalidade artística desbordante na que conflúe un universo propio musical cheo de intencións”.
Satélite Salitre
Banda liderada polo compostelán Pilo Sierra, en colaboración co cuarteto de cordas Suelen Estar Quartet, o baterista LAR Legido e Pablo Sanmamed. Deles o xurado destacou que é “unha proposta orixinal de sonoridades marcada por unha canción de autor de vangarda”.
MÅI
A alianza de Iseo Agilda con Tomás Ageitos deu como resultado o disco ‘Nigredo’, que eles mesmos definen como “pop boreal” pola conexión que ten co pop nórdico, combinado coa tímbrica e a rítmica da música tradicional galega. Deste proxecto o xurado salientou a “electrónica acústica boreal de gran profundidade paisaxística”.